- Conseyu
- Entidades
- Servicios
- Convocatorias
- Inscripciones
- Solicitudes
-
Usuarios
Zona Privada
Equí tamos, primer mes y ensin rascuños.
Dempués d'unviar el primer corréu y un par d'entrevistes va cuatro meses, la espera finalmente acabó y el 1 de setiembre Bratislava recibiónos.
El viaxe - el vuelu salía a les 6:30 del vienres, nun soi de llegar tarde a nengún sitiu y "por precuru" decidí tomar l'Alsa directu al aeropuertu de Madrid el día anterior a les 18:00...si, tuvi qu'esperar 5 hores ellí. Too son esperiencies, creo.
Por suerte'l vuelu foi más curtiu y rápido que la espera nel suelu del aeropuertu, 2 hores y media.
La llegada - Cuandu faes la formación de salida (y la de llegada, un par de vegaes más) esplíquente aquel fenómenu estrañu" conocíu como Choque Cultural; bien unu de los síntomes son les comparances que faes del to país col nuevu.
Lo primero que pensamos al ver l'aeropuertu de Bratislava? "El d'Asturies ye más grande"
Cuando llegamos a la cai del edificiu del pisu nel que viviría, dame la gran sorpresa de que ye un 5 ensin ascensor. Enriba con dos maletes, una con sobrepesu, y kit de supervivencia al costazu. Llegue ensin aire al quintu y ella bien decidida trata d'abrir, nun abría...ábrenos la puerta una moza asustada [conversación inentendible] nun yera ese'l pisu, unu más arriba. Xenial.
Mientres les siguientes dos selmanes, fiximos de turistes y llanzámonos a conocer la ciudá. Primero fiximos un Free Tour pela ciudá, dempués buscamos sitios onde poder tomar daqué fuera de "la zona turistes" yá que ye abondo más cara que'l restu de la ciudá, visitamos un mercáu tradicional na plaza Hviezdoslavovo, visita a la ilesia de San Martín, Castiellu de Bratislava, paséu pel Danubiu y perdíes varies pela ciudá.
La tercer selmana tuvimos el nuesu cursu intensivu d'eslovacu y les sos consonantes impronunciables, una de les voluntaries griegues convidónos a cenar y acabó siendo un festival eurovisivu light" ;), visitamos el Castiellu de Devin onde dalgunos probemos suerte col arcu; como datu interesáu sobre'l caudal del Danubio por si quies date un bañu nél, para dir hasta'l castiellu puedes faelo n'autobús 25 minutos de viaxe o barcu 1 hora y media para dir y media hora de vuelta.
Conocí la
ONG cola que voi trabayar mientres estos 11 meses y otres organizaciones nes
que vamos ayudar.
Mientres la cuarta selmana tuvimos el nuesu seminariu de llegada, dos díes divertidísimos.
Nel siguiente blogue voi falavos más sobre les organizaciones coles que voi trabayar, entá tamos iguando los horarios
Na viniente entrada del blog contarévos muncho más sobre lo que tendré que facer. Ahojte
