"NNGG nunca creyó nel CMX"

Mocedaes Socialistes de Xixón refuga "frontalmente" les acusaciones arramaes por NNGGsobre'l CMX, y les descalificaciones personales escontra'l so presidente, Javier Suárez Llana, que "nun busquen sinón xenerar discutinios innecesarios". Acusen a la organización conservadorra de "despreciar" a la mocedá que dende les asociaciones participa voluntariamente por construyir "una ciudá meyor".

JSG/MSX decidió nun formar parte de los órganos de dirección nel procesu de negociación de la Permanente que lleva trabayando dende mayu y siguir participando como cualesquier otra asociación, siempres "dende'l respetu a la pluralidá representativa de les trés fuerces polítiques con presencia nel movimientu asociativu hasta entós, y entendiendo que'l nuesu pasu tras favorecía'l consensu".

Entienden que a Nuevas Generaciones nun-y gustó l'alcuerdu alcanzáu ente'l conxuntu d'entidaes, "nin supo actuar cola mirada puesta nel beneficiu de la Federación", enrocándose nos sos intereses propios. "MSX garantiza la collaboración constructiva, pensando nos mozos de la ciudá que güei tán más desamparaos que nunca".