NNGG denuncia que'l CMX ta secuestráu por un "radical d'esquierdes"

"Afayamos a un verdaderu radical d'esquierdes que defende unos postulaos ideolóxicos más propios d'otru sieglu y que en nada s'identifiquen cola opinión de la inmensa mayoría de la mocedá".

"Javier Suárez Llana utiliza'l CMX pa espolletar nel so partíu políticu y pa dar espardimientu a los mensaxes políticos d'Izquierda Xunida". Nuevas Generaciones de Xixón llamenta que'l presidente la federación d'asociaciones xuveniles -a la que pertenez NNGG- fai usu del so cargu en tou tipu de plataformes, movimientos y federaciones pa protestar contra'l Gobiernu central. "Representó al CMX en decenes de manifestaciones, fuelgues y movilizaciones y utilizó'l so espaciu nos medios de comunicación pa repitir como un lorito los mensaxes del so partíu y p'atacar a tou aquel que nun piensa como él".

Dende Nueves Xeneraciones conderguen esta "obsesión" de la esquierda por controlar asociaciones, federaciones y movimientos pa dar una falsa imaxe de movilización social. Critiquen que Javier Suárez Llana tamién utiliza les redes sociales pa espresar les sos opiniones polítiques roblando como Presidente del CMX. "Afayamos a un verdaderu radical d'esquierdes que defende unos postulaos ideolóxicos más propios d'otru sieglu y que en nada s'identifiquen cola opinión de la inmensa mayoría de la mocedá".

"Tres el nuesu sofitu a los estudiantes universitarios por que celebren la tradicional espicha d'inxenieros na nuesa ciudá, nun se-y asocede otra cosa qu'apaecer a otru día nun periódicu atacándonos y utilizando tou tipu de calificativos escontra la nuesa organización y el so discursu".

Consideren que Llana tendría d'esmolecese de que'l CMX represente a les 73 asociaciones xuveniles de la ciudá, "cuando en realidá nun ye capaz de movilizar a 6 ó 7". Una federación que celebra actos y xuntes nes que nun hai más de 15 moces. Una federación na que nun participen asociaciones xuveniles de la trescendencia d'Abiertu Hasta'l Amenecer, Mar de Borrina, Cruz Roja Mocedá o Cáritas Xuvenil porque en nada los ayudar nin el CMX nin el so presidente. Una federación que sigue costando casi 200.000 euros añales a les arques municipales, consecuencia del espilfarru y l'esbardie de les organizaciones polítiques xuveniles de la esquierda xixonesa. Una federación desconocida pola inmensa mayoría de los mozos de la nuesa ciudá y que munches asociaciones xuveniles considera inútil y deciden nun inscribise nella. Éstes tuvieren de ser les sos esmoliciones y nesto tuviera de centrar el so trabayu, non n'atacar a Nueves Xeneraciones o en repitir el discursu de Jorge Espina y Gaspar Llamazares.

Por tou esto, dende Nueves Xeneraciones del Partíu Popular de Xixón tomemos la decisión de desvenceyanos y nun participar nel Conseyu de la Mocedá de Xixón, al ser una federación que nun nos representa y que ta centrada n'atacanos y desprestixanos en boca del so presidente.