Estudiantes progresistas, Esnala y Mujeres Jovenes de Asturias sofiten el trabayu de Javier Suárez nel CMX

"El CMX ye un espaciu abiertu a la participación nel que toes les organizaciones somos convidaes a participar activamente por igual".

Estudiantes progresistas, Esnala y Mujeres Jovenes de Asturias sofiten el trabayu desendolcáu por Javier Suárez Llana como presidente del Conseyu de la Mocedá de Xixón (CMX). Les tres asociaciones salen al pasu de les declaraciones de Nuevas Generaciones, qu'acusen a Suarez -miembru d'IX de Xixón y d'Estudiantes progresistas- detener "secuestrada" la federación d'asociaciones xuveniles del conceyu.

Nun comunicáu, Mujeres Jóvenes de Asturias quixo amosar el so apoyu al CMX y desmentir les acusaciones sobre'l so presidente. "El CMX ye un espaciu abiertu a la participación nel que toes les organizaciones somos convidaes a participar activamente por igual". Aseguren que toles adhesiones aprobáronse democráticamente por votación de les asociaciones y que les movilizaciones nes que se participó foi col sofitu de la mayoría.

N'Estudiantes progresistas siéntense "doblemente atacaos", porque "tase atacando a un miembru de la nuesa asociación sinón que se nos ta tachando de tar al serviciu d'un partíu políticu". Consideren les declaraciones de NNGG una "falta de respetu" al CMX nel so conxuntu. "Javier Suárez Llana, como presidente del CMX deber a les entidaes miembru y a les decisiones qu'éstes adopten y aprueben nos sos executivos (de calter mensual) y Asamblees (de calter añal), anque d'esto últimu NNGG de Xixón debe d'entender pocu porque pueden presumir de tener un altu porcentaxe de absentismo".